ქამარი - სტილის უცვლელი ელემენტი
თითოეული ნივთი, რომელსაც ყოველდღიურ ჩაცმულობაში ვიყენებთ, ჩვენი იმიჯის განმსაზღვრელი დეტალია - მათ შორის, ზოგჯერ ისეთი შეუმჩნეველი ელემენტიც, როგორიც ქამარია. მიუხედავად იმისა, რომ სტილის შესახებ საუბრისას, ხშირად ყურადღებას მხოლოდ ტანსაცმელზე ვამახვილებთ, ნებისმიერ ჩაცმულობას საბოლოო შტრიხს, ფაქტია, აქსესუარები მატებს.
ნიკოლოში ტყავის ქამრების დიზაინს განსაკუთრებულ ყურადღებას ვუთმობთ და მათ ორ ძირითად კატეგორიად ვყოფთ:
- ყოველდღიური - იდეალურია ჯინსთან ან სხვა მსგავსი სტილის შარვლებთან კომბინაციაში.
- კლასიკური - დახვეწილი ბალთით, რომელიც არაჩვეულებრივად ეხამება საქმიან სტილს.
მოიწონე თავი ნიკოლოს ტყავის ქამრით
თითოეული ტყავის ქამარი, რომელსაც ნიკოლოში აღმოაჩენთ, უმაღლესი ხარისხის მასალისგანაა დამზადებული. აქ ფრთხილად ვმსჯელობთ დიზაინის თითოეულ დეტალზე და ამასთან, ყველაზე დიდ მნიშვნელობას ვანიჭებთ ნატურალურ ტექსტურას, რომელიც შეხებისთანავე იგრძნობა.
იმისთვის, რომ შეარჩიოთ იდეალური ტყავის ქამარი, რომელიც თქვენს სტილს უფრო მეტად გაამრავალფეროვნებს, ნიკოლო გირჩევთ, გაითვალისწინოთ:
- ზომა - ქამარი არ უნდა იყოს არც ძალიან გრძელი და არც ზედმეტად მოკლე. ჩვენი კონსულტანტები მუდამ მზად არიან, სწორი ზომის შერჩევაში დაგეხმარონ.
- ფერი - კლასიკური შავი და ყავისფერი ქამრები უნივერსალურია, თუმცა, ვისაც საკუთარ გარდერობში თამამი შტრიხების შეტანა სურს, ხშირად არჩევანს სხვა, უფრო მკვეთრ ფერებზეც აკეთებს.
- ბალთა - განსაზღვრავს ქამრის მთლიან სტილს და შეიძლება იყოს როგორც მინიმალისტური, ასევე კლასიკური ან თანამედროვე.
კაცისა და ქალის ქამრები - გამოკვეთილი ტენდენციები
მიუხედავად იმისა, რომ ქამარი ნებისმიერი სქესისთვის უნივერსალური აქსესუარია, მაინც არსებობს მცირე განსხვავებები კაცისა და ქალის ქამრებს შორის. მაგალითად, კაცის ქამარი ხშირად უფრო მასიური და ფართოა, უმეტესად არის შავი ან ყავისფერი ტყავისგან დამზადებული, მინიმალისტური დიზაინით, რომელიც სრულად გამოხატავს მფლობელის გემოვნებას და მის დეტალებისადმი ორიენტირებულ მიდგომას.
ქალის ქამარი კი ამის საპირისპიროდ, დიზაინისა და ფერების მხრივ ხშირად უფრო მრავალფეროვანია - ის შეიძლება იყოს წვრილი და ნაზი, ან ფართო და შედარებით სქელი, რომელსაც აქვს უნარი, მთლიანად გარდაქმნას სამოსის სილუეტი - გამოკვეთოს წელი, შექმნას საინტერესო პროპორციები ან აქცენტი გააკეთოს კონკრეტულ დეტალზე.
თუმცა, აქვე ისიც უნდა ითქვას, რომ თანამედროვე მოდა ბოლო დროს აქტიურად შლის ზღვარს კაცისა და ქალის აქსესუარებს შორის და სწორედ ამიტომ დღეს უკვე ბევრი დიზაინერი ქმნის უნისექს ქამრებს, რომლებიც ერთნაირად საჭიროა თითოეული ადამიანის გარდერობში.
აჩუქე ნიკოლო საკუთარ თავს ან სხვას
ნიკოლოს ტყავის ქამარი არის საუკეთესო არჩევანი მათთვის, ვინც აფასებს როგორც ხარისხს, ისე დახვეწილ და პრაქტიკულ დიზაინს. ამიტომ, მიანიჭეთ ეს განსაკუთრებული სიამოვნება საკუთარ თავს ან ადამიანს, რომელზეც ზრუნავთ და მუდამ გახსოვდეთ, რომ დღე ნიკოლოსთან მშვენიერია.